حــواديــت رومـانسيـة

-->

كان يا مكان
في قديم الزمان
وسالف العصر والاوان
كان في بنت فقيرة بس طيبة
وكانت ام البنت دي تشتغل خدامة عند ناس اغنياء
والبنت الفقيرة دي كانت تمووت في امير بلدتهم ويوم
جات امها وقالتلها يابنتي الامير مسوي احتفال عشان يختار زوجتو من بين بنات البلدة كولهم
البنت اول شي زعلت وقالت مستحيل حيتزوجني انا من بين بنات البلدة كولهم
انا فقيرة ومش حلوة قدي كده عشان يختارنى
بس قالت برضو لازم اروح عالاقل اقدر اشوفو عالحقيقة
فقامت لبست احلى فستان عندها وراحت قصر الامير ولقت بنات جميلات جدا هناك
وبعد شويتين خرجلهم الامير وقال
انا هاعطي كلي وحدة منكم بذرة واللي تزرعها وتكبرها في ستة 

-->

شهور هتكون هي الاميرة

فقامو البنات كولهم اخدو البذرات وراحو بيوتهم

واول ما راحت البنت الفقيرة بيتها قعدت تسقي البذرة وتزبطها وحطتها في مكان يجيلو الشمس عشان تكبر وتسير احلى زرعة

بس الموشكلا انو الزرعة مهي راضية تكبر والوقت قاعد يمر

مرت تلاتة شهور وزرعة البنت ماكبرت ولا شويا

فقامت البنت راحت للمزارعين عشان يقولولها ايش تسوي وكل مايقولولها سوي شي تروح تسوي بس بدون فايدة

المهم

عدت الستة الشهور وزرعة البنت الفقيرة ما كبرت ولا شويا

ويوم الاحتفال راحت البنت وهيا زعلانة قصر الامير وفي يدها يذرتها زي ماهيا

وكلي ما تشوف بنت تلاقي معاها زرعة كبيرة وحلوة

الا شويا جا الامير وقال يللا كلي بنت توريني زرعتها عشان انقي احلى زرعة

فقامو البنات كولهم ورو الامير زرعاتهم ولمن جا دور البنت الفقيرة ورتو زرعتها وهيا مكسوفة منها

فقام قلها الامير هادي هيا نفس البذرة اللي اعطيتك هيا ؟

قالتلو ايوا

قالها خلاص انا قررت اتزوجك

فقامت البنت اتجنن ومهي مصدقة نفسها

قالتلو طيب ليش وفي زرعات كتير احلى من حقتي

قالها بس انتي الوحيدة اللي جبتي البذرة زي ماهيا وما كدبتي عليا زي الباقيين

لانو كول البذور اللي اعطيتكم هيا ميتة وما تنزرع

واتزوجها الامير وعاشو مع بعض حياة سعيدة
وتوتا توتا خلصت الحدوته

 نصيحة منى
اوعوا تكدبوا ع حبايبكم صرحوهو ولو بيحبوكم استحاله هتخسروهم

-->

.......................................

لعمل مشاركة للحدوتة اضغط هنا